Ukulele

Nokkur orð um ukulele

Saga

Ukulele (einnig stafað ukelele) er fjögurra strengja hljóðfæri sem kennt er við Hawaii eyjarnar í vestur Bandaríkjunum. Orðið „ukulele“ þýðir „hoppandi fló“ á hawaiísku, en heimamönnum þóttu fingrahreyfingar ukulele-spilaranna svo hraðar að þær líkjust hoppandi flóum. Ukulele hljóðfærið á sínar rætur að rekja í hljóðfærahefð Portúgals, en það var í lok 19.aldar að þrír portúgalar sigldu til Hawai-eyja og komu með hljóðfærið með sér. Hljómur hljóðfærisins, sem er afar léttur, bjartur og skemmtilegur, heillaði heimamennina, og þeir voru fljótir að fara að búa til sín eigin hljóðfæri. Hljóðfærið varð þekkt á alþjóðlegum vettvangi upp úr 1920 í gegnum alþjóðlegar sýningar sem haldnar voru í Bandaríkjunum, einkum í Kaliforníu.

Vinsældir ukulele hljóðfærisins hafa aukist með tímanum, bæði meðal tónlistarhlustenda sem og hljóðfæraleikara. Ukulele er einnig tilvalið hljóðfæri til þess að byrja að læra á, þar sem stillingin er afar falleg og aðgengileg, og auðvelt er því að læra að spila á hljóðfærið.

Ukulele stærðir

Ukuelele er að finna í fjórum stærðum, auk nýja ukulele-bassans. Minnstu þrjár stærðirnar kallast sópran, concert og tenor; þær hafa allar sömu stillingu, sem er opinn C-dúr hljómur með sexund, eða G-C-E-A. Sópran er minnsta stærðin og hún hentar bæði ungum sem og fullorðnum; concert er miðstór týpa, og tenór er stærst ef þessum þrem, og er sú stærð tilvalin í tónleikahaldi og höfðar sterkt til gítarleikara sem eru vanari að spila á stærra hljóðfæri.

Fjórða stærðin heitir baritónn, en hún er í sömu stillingu og efstu fjórir strengir á gítar, eða D-G-H-E.